მაია ტატიშვილი - ექიმი-ალერგოლოგი, რომელსაც ყველა უნდა იცნობდეს

მაია ტატიშვილი - ექიმი-ალერგოლოგი, რომელსაც ყველა უნდა იცნობდეს

მათ, ვისაც ერთხელ მაინც ჰქონია შეხება ალერგიასთან ან მასთან დაკავშირებულ სიმპტომებთან - მაია ტატიშვილს ყველა იცნობს. ქალბატონი, რომელიც აკადემიკოს ნ. ყიფშიძის სახელობის საუნივერსიტეტო კლინიკაში 1994 წლიდან მოღვაწეობს და რომელმაც თავი 25 წელი ექიმი-ალერგოლოგის პროფესიას მიუძღვნა. ნამდვილ პროფესიონალებს დრო და პრაქტიკა აყალიბებს, თუმცა მაია ტატიშვილის აზრით, აუცილებელია ყოველ დღიურად მსოფლიოში მიმდინარე სამედიცინო სიახლეების ეპიცენტრში იყო.

- ქალბატონო მაია, როგორია ალერგიული სიმპტომები?
- ალერგიას სხვადასხვა სახის გამოვლინება აქვს. გამონაყარი, თვალების, ყურების, სასის ქავილი; ცემინება, ხველა, ცხვირში ზეწოლის შეგრძნება, ყურების დახშობა, შეშუპება, სუნთქვის უკმარისობა, ბრონქოსპაზმი, ყლაპვის გაძნელება და ა.შ.

- ალერგიის შედეგად გამოწვეულ ყველაზე საშიშ გართულებად ალაფილაქსიური შოკი ითვლება. რამ შეიძლება იგი გამოიწვიოს?
- მასაც განსხვავებული მიმდინარეობის პროცესი გააჩნია. შეიძლება განვითარდეს მყიდიერად და შეიძლება ერთიდან მაქსიმუმ სამ საათამდე გაგრძელდეს. შეიძლება იყოს კლასიკური ანაფილაქსიური რეაქცია და შეიძლება იყოს ანაფილაქტოიდური.

- თუ არსებობს სტატისტიკა ალერგიის შედეგად გამოწვეული სხვადასხვა გართულებების რაოდენობის შესახებ?
- რა თქმა უნდა არსებობს და იმასაც გეტყვით, რომ ბოლო წლებში, მთელი რიგი მიზეზების გამო ალერგიის შემთხვევებმა მოიმატა. მაგალითად, იგივე სეზონურობა ალერგიული დაავადებები მთელი წლის მანძილზე საკმაოდ აქტიურად ვლინდება. განსაკუთრებით სეზონზე, როდესაც გაზაფხულზე, ზაფხულსა და შემოდგომაზე, ხეებიდან და ბუჩქებიდან ცვივა მცენარეული მტვერი. ეს მტვერი ბევრ ადამიანში იწვევს პოლინოზს. ამ მოვლენებს ხალხურად „თივისცხელებას" ეძახიან. სეზონური ალერგიის ნიშნებია — თვალების ქავილი, ცრემლდენა, ცემინება, კონიუნქტივიტი და ა.შ.

- ანუ სიმპტომები გაციებას ჰგავს?
- სხვათაშორის, ამის გამო შეცდომაში შესული პაციენტი გვიან მოგვმართავენ. არადა, გაცივება რამდენიმე დღეში მკურნალობის გარეშეც ქრება, ალერგია კი თანდათან რთულდება და თუ დროულად არ ვუმკურნალეთ, ქრონიკულში გადაიზრდება.

- რას ურჩევთ მათ, ვისაც ალერგია აწუხებს?
- პირველ რიგში, აუცილებლად უნდა იქნეს დადგენილი ალერგენი. ყველა შემთხვევაში ის სამწუხაროდ ვერ დგინდება. ვინაიდან რომ დგინდებოდეს, ამხელა სირთულესთანაც არ გვექნებოდა საქმე. მაგალითად, როდესაც საქმე გვაქვს მცენარეულ ე.წ. ეგზოგენულ ალერგენებთან, ამ შემთხვევაში რა თქმა უნდა ვურჩევთ ორი კვირით ადრე დაიწყოს პაციენტმა სიმპტომური მედიკამენტოზური მკურნალობა. არსებობს ასევე თვითონ გამომწვევი ალერგენით მკურნალობა, რომელსაც ბაზისურს ვუწოდებთ. ეს არის იგივე იმუნოთერაპია-ჰიპოსენსილიზაცია, რასაც ჩვენ კლინიკაში აქტიურად ვატარებთ. ყველაზე მთავარია კარგი ანამნეზის აკრეფა. ეს საყოველთაოდ ცნობილი ფაქტია, რომ ალერგოლოგს ყველაზე მეტი დრო სჭირდება პაციენტთან ურთიერთობისთვის. ამ სფეროში როგორც კი მიზეზი დგინდება - ნახევარი საქმე გაკეთებულია. ამიტომაც, პაციენტთან ურთიერთობის დროს აუცლებელია შედეგზე ორიენტირება. ეს კი ჩვენს სფეროში გამომწვევი მიზეზის დადგენით იწყება.


გაზიარება
კომენტარები
POST
POST